RAHEEM STERLING: SI FEDHA, MATAJI YANANIKIMBIZA LIVERPOOL

MSHAMBULIAJI Raheem Sterling ameonyesha yupo karibu kuondoka Liverpool baada ya jana kusema aligoma na hayuko tayari kusaini Mkataba mpya Anfield, kwa sababu kiu yake ni mataji na si fedha.

Sterling amepewa ofa ya mshahara wa Pauni 100,000 kwa wiki ili abaki Merseyside na amesema katika mahojiano na BBC jana kwamba angekuwa amekwishasaini si chini ya mwaka mmoja uliopita.

Lakini katika mahojiano hayo ya TV ambayo Liverpool haikuwa na inajua chochote kabla ya muda mfupi kuelekea kurushwa hewani, mchezaji huyo mwenye umri wa miaka 20 amesema amekerwa kuhusishwa na kuhamia Arsenal – ambao watamenyana na klabu yake, Liverpool Jumamosi katika Ligi Kuu ya England – na kwamba ndoto zake ni kucheza nje.

Raheem Sterling amekataa kusaini Mkataba mpya Liverpool baada ya kusitisha mazungumzo ya Mkataba hadi mwishoni mwa msimu

RAHEEM STERLING MSIMU HUU 

LIGI KUU ENGLAND 

Amecheza mechi 28

Amefunga mabao 6

Ametoa pasi za mabao 7 

LIGI YA MABINGWA/ EUROPA LEAGUE

Amecheza mechi 8

Hajafunga bao  0

Ametoa pasi ya bao 1

Liverpool imekasirishwa na kitendo cha Sterling kuamua kufanya mahojiano bila hata kutoa taarifa kwa klabu na tayari baadhi ya Wajumbe wa bodi wanashawishika kwamba mwanasoka huyo wa kimataifa wa England na wawakilishi wake wanafanya mipango ya nkuondoka mwishoni mwa msimu.

"Si kuhusu fedha hata kidogo," amesema Sterling. "Haijawahi kuwa kuhusu fedha. Nazungumzia kushinda mataji katika wakati wangu nikiwa kazini. Hicho ndicho nachokizungumzia. Sizungumzii nitakwenda kuendesha magari mangapi, nyumba ngapi nimepata. Nachotaka tu ni kuwa bora kadiri nitakavyoweza. 

Sterling akitafuta maarifa ya kumuacha beki wa Lithuania, Georgas Freidgeimas katika mechi ya kufuzu Euro 2016 akiichezea England Uwanja wa Wembley

Thursday, April 02, 2015